NAIPENDA JUMAMOSI YANGU SEHEMU YA 5

Sasa nilitulia ili kuona kama nitapata majibu, na kila simu ilipolia nilikimbilia kuangalia kulikoni kwani jumbe nilizokuwa natamani ziingie ni za Fadhili tu. Hali niliyomuacha nayo ya ulevi ni kali sana, alikunywa sana, kwa raha, nilipata muda mzuri sana wa kukaa naye, Nilifurahi sana japo nilikuwa na stress lakini nilipata muda mzuri sana wa kukaa naye. Na kwa kiasi nilifurahi sana kwani nilikuwa niko na mpenzxi wangu, Na niliamini kabisa kwamba Fadhilii ananipenda kutoka moyoni.
Hivi mtu atoe pesa zake, muda wake , mwili wake awe na wewe je si jambo la kupendeka hili? Tena kaacha kabisa mke na wanawe nyumbani na kakuchukua, ukakae naye, tena kwenye lodge yake ambayo anakuambia hiyo nyumba unayokaa humo ndani hata mke wake hajawahi kupafika na hapajui. Mke ambaye ameishi naye si chini ya miaka 9. Lakini hata hapo BEMBEA LODGE Hajawahi kupaingia.
“Sikia mamii, nakupenda sana, yani wewe mwanamke hata sijui umenifanya nini, hapa kwenye hii nyumba hata yule mke wangu hajawahi kupaingia, lakini wew mpaka kitanda umeshakilalia.. mtoto wa kipare unataka kuniua eeee..”Nakumbuka haya maneno aliongea Fadhili kuniambia kwamba nyumba hiyo ambao aliita menaja house hata mke wake hajawahi kupangia.
Kweli ni upendo wa dhati huu. Fadhili ananipenda sana, na mimi nampenda.
Nilikuwa nimekaa tu chumbani kwenye dressing table huku natafakari haya. Kumbuka mume tumetengana vyumba, nilitabasamu na kujiambia moyoni, nimepata bahati sana kupata mwanaume ambaye ana mapenzi ya dhati na mimi.
Nilipanda kitandani na kulala. Nilikuwa nina pesa asubuhi. Fadhili alinipa elfu 60 akaniambia ni ya nauli, Nilitoa elfu 20 nikampatia dada, nikamuachia na maelezo ya kununua vitu. Kisha nikaondoka kuelekea kazini. Mr alisikia nikiwa natoa maelezo, Mara zote siku za nyuma ilikuwa hata akinifanya nini lazima nitamuomba pesa, sasa nimuombe za nini na mimi ninazo, Atajijua, akitoa atoe asipotoa nitatoa maana kuna mwanaume anayenipenda na kunihudumia.
Nilitoka na kuelekea kazini.
Kazini nina walimu wenzangu ambao ni marafiki zangu, wa kuambiana kila kitu, lakini hili swala la Fadhili ninaogopa kabisa kuliongea, ni mume wamtu huyu, lakini na mimi ni mke wa mtu, naanzia wapi kuliongea? Niliona haifai kuonge, na kwa vile tayari nina mwanamke wa kushare naye hizi stori ambaye ni mama Karisa basi huyo tutakuwa tukishare naye.
Mama Karisa ni mfanya biashara, ana duka la kuuza nguo na viatu na vipodozi. Hajawahi kuajiriwa, ni mwanamke mfanya biashara, na huwa anasafiri kwenda Uganda kuchukua mizigo yake, na biashara kwake imekuwa nzuri sana kwani hata ana maendeleo, na ana usafiri wake wa kumtoa nyumbani kumpeleka ofcn kwake lakini pia kuzungukia wateja wake. Nilijuana na mama Karisa kwenye kikoba, kikoba cha wanawake wa mtaaani, hivyo akawa rafiki na mtu wa karibu, Lakini ni kwa vile pia ni mwanamke mwenye kujitoa sana kwenye mambo ya wenzake, kama mtu akifiwa yani wana kikundi wote 20 wanaweza wasiweze kufika na kuwakilisha lakini mama Karisa atafika, na atatumia gari yake hata kubeba majirani, Ni mwanamke niliyempenda sana, Lakini anajipenda sana na anaonekana wakati wote ana furaha. Haijalishi tunajua mume wake amezaa na mwanamke, lakini hata siku moja sio mwanamke wa kushika tama na kusiskitika, ila atacheka, na kujinywea bia zake na kucheka na wanawake wengine, Nikawa najiuliza sana amewezaje hili?
Na ndipo sasa nilipokaa karibu naye akaniambia kuwa ana Mwanaume wake ambaye anampa tia raha za maisha.Na kwake swala la kulizwa na ndoa alishalisahau.
Mh,, nilikuwa tu ofcn najiwazia mambo mengiii,
Na ndipo nikasikia simu yangu ikiita, niliichukua nan i Fadhili alikuwa akipiga.
Hi Diaa, pole, nimeona missed calls zako, pole sana. Hujambo?
Ni Fadhili huyu, Nilitoka nje mbali kidogo kupokea simu hiyo.
Ndio sijambo, yani wee jamani umeniacha roho yangu juu juu, Hujambo lakini?
Sijambo mamsup, nimechoka bado sijatoka huku, Nimepumzika tu, na kazini sitaenda kabisa, Jana umenichosha sana wewe mwanamke huna huruma?
Aliniambia Fadhili akimaanisha penzi langu la jana limemchosha..
Nilijichekea na kumwambia yani wewe jamani,,, hembu amka bwana.
Aliniambia ataamka, lakini pia akaniambia atasafiri jumatano, ataenda kufuata mizigo yake ya lodge China. Akaniambia ni safari ya ghafla hakuwa ameipanga ila atasafiri jumatano.
Nilimuuitikia na kumtakia safari njema.
Mbona unanitakia safari njema kienyeji jamani? Aliniambia.
Nilimwambia ulitakaje ? Akaniambia Noo usiseme hivyo don’t be hursh… yani maneno hayo ndo unamwambia mpenzi wako,, NILITAKAJE? Hujui unatakiwa umfanyieje mpenzi wako akisafiri? Lakini sio makosa yako,, huyo Hitla ndiye kakuharibu mamii.
Enhe,,, niambie mambo mengine?
Nilijiskia aibu sana alivyonikosaoa,, nikamwambia Am sorry, nisamehe mpenzi.
Akasema dah… wewe mwanamke ndio maana nakupenda na utanifanya hata niache mke jamani.. Sijawahi kuombwa msamaha, dah…. Asante sana, nimekusamehe na nyongeza na nikienda China nilipanga kukununulia zawadi lakin naongeza na zawadi ingine .
Asante nilijibu. Nikiwa naongea na Simu, Thea mwalimu mwenzangu tunayefundisha naye alikuwa akiniangalia sana nisijue ananiangalia. Kisha nilipomaliza kuongea na simu huyo nikawa natembea kuelekea body room kwa ajili ya chai ya saa nne.
Thea alinitazama na akaniambia, Madam, ile simu nani alikuwa anapiga maana si kwa mapozi yale, ulikuwa unazunguka kama unatongozwa,, nilicheka nay eye akacheka.
Nikashindwa kuvumilia, nikamwambia, nilikuwa naongea na Mwanaume anayejeua thamani ya mwanamke. Kisha nikachukua donati yangu na kikombe cha chai nikasogea pembeni kunywa.
Thea alionekana kutaka kujua zaidi, akanisogelea na kuniambia wacha weee,, huyo mwanaume mbona mwanaume maana mama ulikuwa unajizungusha hasa.
Ndio mamii… yani sijui hata nikuambieje,, lakini ninapendeka san asana .
Ni nani huyo? Thea aliuliza.
Nilitabasamu na kumwambia, wewe, sijaribu kukuambia maana mjini hapa mama.
Tulicheka na kukatiza story baada ya Sir Peter kuingia.
Ratiba za kazi ziliendelea.
Kisha nikamaliza ratiba ya siku na nikarudi nyumbani mapema sana kwani kuna kazi ya muhimu sana ya wanafunzi nilikuwa nayo ya kuandaa na muda shuleni haukuwa rafiki sana.
Nilifika nyumbani na kuanza kufanya kazi hiyo ambayo ilinichukua mudamrefu kuimaliza ndani ya masaa matatu nilikuwa nikiifanya.
Baada ya kumaliza dada akaniambia mama baba alisema hatarudi, aliniaga akasema hatarudi.
Msichana wangu wa kazi aliniambia.
Mh… niliguna, nikasema wacha aende kabisa, na mimi nipate muda wa kumuaga Fadhili. Japo moyoni nilisema hivyo, lakini nikamuuliza aliondoka na begi?
Ndio aliondoka na begi na viatu kwenye mfuko wa pembeni. Akaniachia hizi pesa hapa akasema anko Adrian akija nimpatie. Msichana wa kazi aliniambia.
Pesa ziko wapi? Msichana wa kazi aliniletea kiasi cha shilingi milioni tatu kazishika mkononi tena bila hata kuwekwa kwenye bahasha. Nilishtuka sana,
Mungu wangu! Huyu mwanaume ana akili kweli? Anawezaja kumpatia msichana wa kazi pesa nyingi hivi? Yesu wangu.
Lakini ni za nini? Mh, niliendelea kutafakari, Nilizichukua mikononi mwa dada kwa ajili ya usalama zaidi. Uwii niliogopa sana.
Kwa nini asinipe niweke? Kwa nini asimuite huyo Adrian akampatia mwenyewe? Niliwaza mambo mengi sana nisipate jibu zaidi ya kwamba hatuna mawasiliano maxzuri ndio sababu akaamua kumpatia Msichana wa kazi.
Mama na mimi baba kanipa zangu hizi hapa akaniambia ninunue kitu chochote. 
Msichana wa kazi alinionyesha elfu 70 kapewa na baba, na mshahara wake ni elfu 50. Na hixzo ni za zawadi , Mh..
Hakukuambia kitu chochote? Hapana hajaniambia kitu mama alinipa tu akaniambia atanipigia simu nisiwe nazima na akiniuliza kitu nimwambie ukweli.
Ahaa… akili yangu ikaniambia kaweka mlinzi huyu na anataka kumtumia dada ili ajue ninarudi saa ngapi nyumbani, Sasa wacha nijiongeze.
Nilishukuru walau dada kaniambia.
Na sikutaka mr ajue nimeongea na dada, nikamwambia dada Anko akipiga simu kutaka pesa basi utanijulisha mwanangu sawa eee. Si vizuri kukaa na pesa nyingi hivi.
Sawa mama binti aliniambia.

**************************** 
Nilikula na kujilaza , sikuwa na muda wala wa kutaka kuzungumza na Baba Davis, kwanza hana hata aibu, anawezaje kuondoka nyumbani kwake asiniage mimi mke wake? Nilichukia sana, alafu hata chakula asiache pesa jamani?
Mwanaume huyu ni mwanaume gani lakini? Si bure anaitwa Hitla. Niliwaza nikachukia sana,
Lakini akili yangu ikakumbuka maneno ya Fadhili …
Wewe ni mwanamke wa aina yake, ninapaswa nikuonyeshe mapenzi ya dhati, mpaka ujue thamani ya mwanamke duniani. Nakupenda mamii” Maneno hayo yalikuwa yakijirudia rudia akilini mwangu.
Nilichukua simu yangu na kumuandikia Fadhili ujumbe, Nakupenda mpenzi.
Nilijikuta tu naandika hivyo.
Na baada ya kama Dakika chache sana kama sio tatu nikapata majibu,Nakupenda pia mpenzi.
Nilifurahi sana, Nikasema sitadelete huu ujumbe maana nikisoma nasikia faraja rohoni, Nilichofanya nikaweka pw kwenye simu, kwenye msg password kali kabisa, kali sana yenye namba na maneno kabisa.
Kisha nikampigia mama Karisa kutaka kumueleza juu ya Mr kuondoka bila kuaga.
… haloo mama Kei, mambo mamiii?
… poa, hujambo? Simu usiku huu kwema?
Aliuliza,,, wema utoke wapi mama? Baba Davis kaondoka kasafiri sijui kasafiria wapi, na hajaniaga, amemuaga tu dada, hivi huyu mwanaume lakini ana nini ?
Ha ha ha… Mama Kei alicheka kwenye simu.
Na kuniambia hivi wewe unakunywaga savanna ama unakunywaga nini?
Kwenye friji huna savanna nikutumishie? Maana naona una kiu ya pombe,
Hembu ngoja nikuletee hapo mara moja, unataka ya baridi ama ya moto?
Mama Kei aliniambia, (ambaye ndiye mama Karisa huwa nafupisha namuita mama Kei)
Sijui alikuwa wapi, lakini baada ya muda kama nusu saa nilisikia honi zikilia, na nilitoka kufungua,
Nilimfungulia na akaingia,,, Shoga yangu hili geti lako mbona bado la kufungua kishamba hivi. Watu tunatumia mageti yak u slaidi mama.. Geti mtelezo… akacheka kisha akaingia na gari yake na kuipaki…. Gari mpya ambayo sijaiona kabisa.
Akashuka akiwa kavalia tu night dress nyepesi sana ambayo hata maungo utayaona, na akashuka ameshikilia savanaa 4 amezikumbatia. Huku akionekana kama aliyekuwa kalala kabisa ila kaamshwa kwa jambo la muhimu.
Mh.. nilimwambia umetoka wapi kwani? Akacheka na kuniambia nimetoka nyumbani kwani vipi?
Nikamwambia umemachaje baba Karisa? Akacheka akaniambia wewe naye… kalaga baho, yani hembu kwanza kunywa savanna akili ikukae sawa alafu tuongeee.
Maana nimesha kuonya juu ya kunililia na huyo baba Davis wako lakini husikii, yani wewe jamani lini utakomaa na ujiachi? Mwanaume anaondoka hakuagi bado tu unajikondea, wewe ukienda kwa Fadhili unamuaga? Jumapili ulivyoenda kushinda kwa Fadhili ulimuaga? Akaachia cheko la nguvu la kilevi,, ha ha ha,, haloo ya Consooo, nicheke miye Mtoto wa watu.. Conso miye….
Aliniambia hayo maneno na kusimama na khanga aliyofunga ikadondoka na akairusha huko wala asijali, kisha akapita moja kwa moja mpaka jikoni na kuchukua glass na kuketi Dinning na kuanza kufungua zile pombe zote nne, akaniambia ngoja nikuambie, hembu kwanza kunywa.
Kweli nilikuwa na kiu, ni saa nne usiku, tukaanza kunywa,
Akaniambia sikia, nilikuwa na Diaa leo, akisema Diaa anamaanisha mwanaume wake Yule anayechepuka naye. Yani nilikuwa nakutafuta sana maana Diaa kaniambia Fadhili anasafiri jumatano na nimemuomba aniletee vitu vyangu vya dukani, sasa sikia, Ndio mguu huu wako, nimekuja kukuuliza hivi huwa Fadhili anakupa pesa ama umekaa tu kama nunda?
Mh,, nikamwambia ndio ananipa pesa,..
Enhe, mpaka sasa hiviumepewa shilingi ngapi? Mh.. nikamwambia huwa ananipa elfu 70 ama 80 .
Ha ha ha ha… wewe Mama Davis una akili? Unapewa hela gani hizo jamani? Yule mwanaume sikia nikuambie ana pesa chafuuuu, alafu mshamba sana wa mapenzi hajui kitu kabisa, yani mshamba hasa, sikia nichukulie pesa hapo. Yani sasa ngoja nikuambie leo, alikuwa anakutaka siku nyingi sana, lakini nilikuwa najiuliza nitakuingiaje, ana pesa chafu mjini, naomba tu chukua pesa pale,
Na ninataka umuonyeshe mapenzi hasa, ona mimi Dia wangu wala hana pesa kivile lakini ona nimeshabadilisha gari, juzi kanipa milioni 4 nikaongezea na zangu nikanunua gari na ananisaidia kurejesha mkopo niliochukua bank, sikia , Fadhili ana pesa chukua pesa. Mh, niliguna, nachukuaje? Kwanza ndio mapenzi tumeanza juzi tu nachukuajee?
Aliniambia sikia, Fadhili ana kimwanafunzi cha chuo, najua hakijui mapenzi, sasa zubaa hapo uchekwe, Wewe sio mwanachuo bwana useme unataka mapenzi ya lunch boxes na simu, hembu haraka toa wazo la biashara, sijui kama unanielewa, yani kwanza hembu nipe simu yako.
Mama Kei alinipokonya simu, wakati huo moyo ukiwa unadunda kwa mbali,,,
Fadhili ana kisichana cha chuo? Mungu wangu, serious? Moyo wangu ukaniuma sana nikiwa nawaza hayo tayari alichukua simu yangu na akawa anaandika msg, nisiweze kumpokonya, aliniambia tu subiri,, nitakuonyesha nikishamaliza kuandika… Mama Karisa aliniambia, Kisha akaniuliza, Fadhili kakuaga kwamba anasafiri kwenda China?
Ndio nilijibu,, akasema safi,, mwanaume mzuri huyu.
Sikia, nataka kumuomba kitu, maana najua wewe ni mzubavu, mjini hapa bwana, tumekutana kimjini mjini tuishi kimjini mjini…. Ha ha ha. Akacheka tena.
Akiwa anacheka nikamuuliza, Mama Karisa umesema Fadhili ana msichana wa chuuo?
Ndio anaye kwani vipi? Huwezi amini machozi yakanitoka, nikajikuta nalia kabisa…
Wewe? Mama Karisa aliweka simu chini na kunitazama nikiwa nalia na wakati huo nakimbilia chumbani…
Wewe mama Davis, unalia nini?
Nilikuwa nalia na kumwambia, kweli Fadhili ana mwanamke?
Mama Karisa alinitazama na kuniambia, Mama yangu! Mama Davis unalia kweli ama ni macho yangu? Unalizwa na Fadhili? Kwisha habari yako,Serious unalia? Uwiii.
Wewe huna sababu ya kulia, sasa ulifikiri ni wewe peke yake tu yuko na wewe?
Yani aache mke wake ndani akufuate wewe ambaye mara leo uko na mume, kesho sijui uko wapi, wewe jamani, Mama Davis unamaanisha kulia maa?
Sikia, mume wa mtu haliliwi jamani wewe mwanamke, Makubwa Consolatha..
Mama Karisa aliendelea kuongea akinishanga nalia nini.
Wazo likanijia, nikamuuambia huyo msichana anamjua?
Ndio ni kisichana Fulani hivi kitoto toto tu, ambacho nina uhakika hakijamdatisha jamaa ndio maana jamaa kachachawa na wewe na anakusifia sana una heshima, una nidhamu, sasa unalia nini wewe mwanamke?
Mume wa mtu Yule mama, Mume wa mtu haliliwi, anatakiwa wee ndiye akulilie,
Ama hujui mapenzi? Maana nilichukia sana juzi ulikuwa naye alafu nakuja kusikia alikuwa na hicho kisichana tena, hembu kwanza hembu tuongeee,,,
Mama Karisa alionekana ana mambo mengii ya kutaka kuniambia.
Unajua na wewe sijui ni wa kufundishwa mapenzi, maana naona umezubaaa sana.
Kwani kabla ya Fadhili ulikuwa unatoka na nani? Usikute kuna mtu ulikuwa unatoka naye kakufunga…. Na yeye anakulilia.. ha ha ha,, haloooo… Mama Karisa alisema.
Nikamjibu, huku nalia,, Mama Karisa, sijawahi kuwa na mwanaume zaidi ya Bada Davis, sijawahi… Mungu wangu! Mama Karisa alishika mikono kichwani akaniambia serious? Basi kweli wewe mgeni wa mapenzi,
Sasa sikia shoga yangu, futa machozi iko hivi,
Mume wa mtu haliliwi, ila anatakiwa akulilie wewe, yani haiwezekani mumeo akulize na mume wa mtu akulize, lazima ujiongeze, kama mapenzi huwezi ziko njia nyingi sana za kufanya . Ama! Alisema hivyo na akawa kama kasita Fulani.
Kisha akaniambia hembu ngoja nije, akatoka haraka akitembea huyoo na kuchukua simu yake, na kuiwasha maana alikuwa kaizima, ni saa sita usiku, karibu inaenda saa saba , yuko kwangu, mume wake kamuacha na nani sijui, na wala haonyeshi kuogopa hata kidogo, akafungua haraka simu yake sehemu ya kuhifadhi picha na akanifungulia picha, nikaangia na kuona picha ya msichana mdogo tu wa rika ambalo sio zaidi ya miaka 25.
Saa sikia hiki ndicho kifaa cha Fadhili, haka ndiko kasichana kanakomuendesha, kamesababisha Fadhili hana raha na familia yake, ameshagombana na mke wake na mke wake yuko kwao hajarudi mpaka sasa hivi, kama karudi basin i leo asbh. Ila funga mdomo wako nikufundishe maisha.
Mh.. nilishikwa na butwaaa.. Kaachana na mke wake? Nakuambia hivi, shika mdomo wako na akili ikushike. Nimekuwambia Fadhili ana stress za maisha, ni mwanaume mwenye pesa, nakama unavyomuona ni bonge la handsome na ni mchapa kazi sana, ila ndio hivyo. Hajakuambia tu ila ataskuambia, na ndino maana nimeona nikuambie saa hivi usije ukanililia baadae. Ni rafiki wa karibu sana na Diaa, anamheshimu sana Diaa na anamuita kaka. Ndio maana mambo yote ya Fadhili nayafahamu, japo kuna vitu hajaniambia na usije kumuuliza, wewe akili kichwani.
Upo mamiii?
Dah sikuamini, niliumia sana moyo wangu, Niliangalia ile picha ya Yule dada na nikamuchukua jina lake nikafungua instagram nikamuona vyema namna alivyo.

Share this post